Эдийн засгийн нөхцөл байдлын талаар Тера группийн хөрөнгө оруулалт хариуцсан захирал Г.Ганзоригтой ярилцлаа.
- Мөнгө яагаад үнэ орчхов оо?
Энд эрэлт нийлүүлэлтийн асуудал яригдах ёстой. Сул хэвтэж байгаа мөнгө эдийн засгийн эргэлтэд орохгүй байна. Нэг ёсондоо хөрөнгө оруулагчид мөнгөө зах зээл рүү байршуулахгүй байна. Бас хадгалж буй банкууд нь зээл болгож гаргахгүй байгаа. Энэ нь мэдээж төв банкны мөнгөний бодлого, ийм эгзэгтэй үеийн эдийн засагт баримталж буй арилжааны банкуудын зээлийн бодлого, мөн банкуудын IPO-той шууд холбоотой. Эдийн засаг цар тахлын өмнөх үеийн хүчин чадалдаа хүрэхийг эрмэлзэж байгаа тул эрэлт тэлсэн.
Гэтэл нийлүүлэлтийн сүлжээний доголдолтой холбоотойгоор эрэлт нь инфляцыг дэвэргэсэн. Улмаар, инфляц, валютын ханшнаас үүдэлтэй долларжилт маш хүчтэй явагдаж байгааг та бид харж байна. Иймээс, Монголын хөрөнгө оруулагчдын хувьд мөнгөний үнэ цэнээ инфляцын эсрэг хамгаалах сорилт тулгарлаа. Нэг үгээр хэлбэл, хөрөнгө оруулагчдад мөнгөө үнэтэй зарах буюу өндөр өгөөжтэй, итгэж болох төслүүдэд хөрөнгө оруулах хэрэгцээ байгаа нь нууц биш. Нөгөө талдаа ийм эгзэгтэй үед бизнес эрхлэгчид үйл ажиллагаагаа доголдолгүй авч явах, өндөр өгөөжтэй төслүүд хэрэгжүүлэх л цор ганц зам байна.
- Хөрөнгө оруулагч энэ нөхцөл байдлыг хэрхэн ашиглах яах ёстой вэ?
Инфляцыг давсан, уламжлалт бус тогтмол өгөөжтэй бондын бүтээгдэхүүнээр мөнгөө хамгаалж, өсгөх боломж байна. Нэг жилийн өмнө үүсгэн байгуулагдсан “Биржийн бус зах зээл” нь хөрөнгө оруулагчдад олон төрлийн хаалттай бондуудаас сонгон, тогтмол өгөөжтэй хөрөнгө оруулалт хийх хялбар шийдлийг бий болгосон. Биржийн бус зах зээлийн оролцоо нэмэгдсэнээр хөрөнгө оруулагч болон бонд гаргагч талууд аль аль нь хожих боломж байна.
- Тэгвэл бондыг яаж сонгох ёстой вэ?
Мөнгө үнэд орсон учир сайн төсөлд мөнгөө өмнөхөөсөө өндөр өгөөжтэй байршуулах боломж бүрдлээ. Бизнес эрхлэгчдийн хувьд яг энэ цаг үед нэг төгрөгийг ч буруу зарцуулах эрхгүй. Тэгэхээр энэ эгзэгтэй үед 2 зүйлийг онцгойлон харж хөрөнгө оруулалтын шийдвэрээ гаргах хэрэгтэй болж байна.
Нэгдүгээрт, тухайн төсөл цаг үеэ олсон, ирээдүйтэй, оновчтой эсэх, зах зээлд амьдрах чадвартай эсэх; Хоёрдугаарт, төсөл хэрэгжүүлэх хүнээ сайн таньж, зохистой засаглал буюу ёс зүйтэй, итгэл даах, хариуцлагатай эсэхийг эн тэргүүнд харах ёстой. Манай Тера Анлимитед ХХК-ийн гаргасан “Тера бонд-II” дээрх шалгууруудыг бүрэн хангасан гэдгээ мэдэгдэхэд таатай байна.
“Тера бонд-II”-ын талаар утсаар холбогдож мэдээлэл авах боломжтой.
Development
